外圍股市跟港股一樣反反覆覆，不過內地再有高官發表撐歐元言論，刺激歐元回升，港股亦企穩，恒指再升11點，收報19,632點。
詩詩尋日擺烏龍，引述錯誤資料，誤將深圳國際（00152）持有50.889%股的深高速（00548）首季業績，當作深圳國際的首季業績。事實上，深國並未有發出一○年首季度業績，而淨利潤於一○年度首季錄得同比增長55.01%至2.1億元應該係深高速。同時深國的物流業務包括物流園及物流服務業務，當中物流服務業務應該係「收入」上升45.7%至1.78億元，而唔係昨日所講的「盈利」。詩詩要向深國跟各粉絲講句唔好意思，以後真係要打醒十二分精神。
近日見有基金股陸續被沽售，難得醫藥股保持強勢，因為基金唔可以全持現金，在汰弱留強之下所以保留醫藥股。在眾醫藥股中，中國生物製藥（01177）一直有唔少大行追捧，主要係其整體毛利率接近八成，大摩更表示中國生物係內地最佳醫藥股之一。由於集團有唔少出品的藥物都被列入國家醫保目錄，料可受惠於醫療改革方案，預期下半年業務轉強，盈利可維持理想增長，值得吸納作中線投資。現水平吸納，目標3.8元，跌穿3.1元止蝕。
詩詩