絲絲講場：蔡太遊世博好「暢快」

獲邀參觀免排長龍

話說蔡太今次並唔係世博「自由行」，而係獲世博嘅商業贊助機構邀請，以嘉賓身份參觀世博，所以喺園內參觀不同展館時，唔使好似 「自由行」咁排長龍，沿途仲有車安排添，加上蔡太已年逾七旬，參觀部分展館有優待，所以特別「暢快」。

可能因為係咁，蔡太今次世博之行一共參觀咗七、八個展館，部分展館由朝早七點開到晚上九點，佢除咗食飯外，一日行足十二粒鐘。佢笑說自己平日冇做開運動，但竟然可以行足一日唔覺累，佢都話自己好嘢！

蔡太話部分展館內容一般，但外圍建築就好值得欣賞，佢嘅定論係「上海係名副其實嘅大都會」。睇嚟香港真係要加把勁，否則好容易被人追過！

余絲韻