落實特許權協議
講番呢個特許權協議，其實雅天妮喺今年一月已簽咗份備忘錄，按今次落實嘅協議，雅天妮可以生產嘅產品範圍都好廣泛，配飾精品應有盡有，包括耳環、吊墜、相架、手錶及浴室用品等，協議嘅有效期由今年二月起至二○一五年十二月底止，差唔多成6年。
絲絲記得去年十一月上海話興建迪士尼，市傳雅天妮攞到上海迪士尼嘅飾物獨家製造及代理權，當日股價大升逾10%。雅天妮曾出通告話股價大升冇特別原因，之後補番個通告，話佢哋旗下有間公司原來已與迪士尼亞太區總公司訂立特許協議，迪士尼同意向佢哋授出非獨家特許權及權利。
（余絲韻）