董事局陣容強勁
商交所除搵咗中遠集團總裁魏家福做副主席外，早前宣布入股商交所10%股權嘅工銀亞洲，原來亦派咗中國工行副行長王麗麗，入去商交所做非執行董事。連同之前傳過入股商交所15%嘅Reliance Money，派咗董事總經理Sudip Bandyopadhyay入商交所做非執董，基本上商交所董事局嘅執董及非執董陣容已成形，加上仲有7位社會知名人士出任獨立非執董，董事局都算星光熠熠，人才濟濟，下一步就要睇黃金期貨正式推出時嘅反應如何喇！不過，商交所主席張震遠近期為市建局疲於奔命，睇嚟佢都要識分身術，至可以將商交所及市建局嘅工作時間分配妥當！
（余絲韻）