查史美倫傳早報名
聽講到時會由中電信董事長王曉初帶團，帶領一眾董事參觀世博團，而兩名獨立非執行董事秦曉及查史美倫好似已經報咗名參觀，可惜絲絲冇資格做中電信嘅董事，如果唔係都第一時間報名。
至於到時仲會唔會有咁多人搶住入場參觀就好難講，但相信中電信一班董事應該可以暢通無阻咁參觀，順便試吓場內嘅通訊服務，係咪一樣咁暢通無阻。
世博日日都有新聞，最矚目嘅莫過於每日都見到內地同胞搏晒命咁搶住入場館參觀，依家世博場面好亂，日日都有衝突事件發生，絲絲只係平民百姓，亦非長者，冇乜優待，為免畀人當地氈咁踩兼上埋頭條，都係要睇定啲至去。
余絲韻