絲絲講場：中信嘉銀植樹遠足奪獎
唔好以為銀行與環保係兩碼子嘅事，依家流行網上理財，即使係弄得滿城風雨嘅新股，早就提出eIPO呢樣新工具，絲絲知道好多散戶都因為咁樣慳番唔少腳骨力兼時間，所以幾時都話銀行家嘅能力絕對不能睇小。好似中信嘉華銀行咁，佢哋連續四年身體力行參加「綠野先鋒二○一○——植樹遠足挑戰賽」之餘，仲攞埋「最醒目植樹隊」獎項。
行12公里種苗二百棵
中信嘉銀支持環保，唔係名義上現身出席咁簡單，喺剛過去周日嘅挑戰賽，中信嘉華共二十名員工分五組，齊齊行足十二公里路之後，仲夾手夾腳種植二百棵樹苗。難得係各參賽隊伍都冇交行貨，完全發揮平日開會度橋嘅精神，以無窮創意、最環保兼貼近大會主題「種出綠色大氣候」為原則，成功安全運送樹苗，終於奪得大獎。
余絲韻