正所謂人生如戲，絲絲最鍾意睇電視劇集，尤其係以真實個案為藍本嘅劇集就睇得分外投入。聽朋友講，證監會首次推出有關佢哋執法工作嘅劇集，劇名叫做《證義搜查線》。
呢齣劇集嘅演員有動作女星梁錚、單立文及江華等，每逢周六播映，雖然唔算係星光熠熠，但相信劇情會好吸引。為咗鼓勵市民投資前要做功課，近年證監會做咗好多活動，去年就推出咗電視廣告，電視廣告歌係改編自《問我》，呢首歌已街知巷聞；佢哋又舉辦「投資智叻闖三關」常識問答比賽，提醒市民要了解投資產品。
最令絲絲印象深刻嘅係「慧博士」，佢係證監會創作嘅虛構人物，會定期出專欄，分享投資智慧及監管理念，並提醒投資者唔好墮入騙局，要提高警覺，可見證監會嘅教育宣傳果然做到好足。
余絲韻