絲絲講場：港燈搞電動車扮靚大賽

呢個電動車「扮靚」大賽其實係源自港燈智「惜」用電計劃，想參加就要喺六月底前提交，中、小學生及家庭組合都得，形式係以圖案及口號為電動車設計車身，凸顯佢嘅環保優點，曹棨森話優勝作品更有機會喺港燈車隊使用。

智「惜」用電推廣低碳

為咗畀年輕人更容易掌握低碳知識，港燈與「潮語大師」蘇真真合力炮製一本《低碳潮語錄》，用深入淺出方法配合「潮語」演繹多個「低碳」詞彙。

尋日有多間中小學學生為來年嘅活動揭開序幕，同學仔仲擔當校園小記者，介紹港燈電動車扮靚大賽；亦有同學示範低碳生活，以鹹水草及報紙包裹蔬果，懷舊之餘又提醒我哋簡約包裝嘅重要性！

至於今年港燈智「惜」用電計劃，則以推廣低碳生活為主題，透過簡單易記嘅口號「低碳生活方程式．加減乘除你要識」，呼籲市民增「加」對低碳嘅認識，全方位地「減」碳，多「乘」搭公共交通或者使用電動車，並戒「除」浪費電力等壞習慣。

余絲韻