平佣吸客招呼周到
唔知係咪為咗配合公司大事擴張，佢哋嘅卡片都換上新裝。「新卡片上嘅公司Logo都係天秤，但就同以前嘅顏色有啲唔同，天秤代表我哋嘅交易買賣公平及公正。」
Nelson又話，因為佢哋有九成客戶都係用網上交易系統，令營運成本降低，所以先可以做到平佣。佢話公司生意額已連續3年錄得雙位數增長，遲啲仲會搞埋投資移民。
其實耀才一向好積極谷客，除咗平佣之外，每朝早都會為客人預備奶茶、咖啡，下午Tea time仲會準備埋各式西餅。Nelson仲話：「如果遇上紅色暴雨警告，我哋仲會提供埋飯盒，費事要啲客戶淋住雨落街食飯咁狼狽啦。」
余絲韻