絲絲講場：梁高美懿年報Show新Look
恒生銀行（00011）剛公布咗○九年度嘅年報，封面用咗一個好標致嘅小女孩相片，見到都要望多兩眼。年報嘅主題係邁步向前，絲絲揭揭吓，發現我哋好熟悉嘅恒生銀行副董事長兼行政總裁梁高美懿張相，個新Look都好得喎，又後生又有活力。
新髮型好醒神
今次係梁太第一次喺恒生年報出現，梁太平時打扮斯文，好多時都係着套褲或套裙，髮型不常變，都是以斯文易打理為主。今次佢整咗個新髮型，雖然未至於由直髮變曲髮，不過就留「海」，望落去有啲學生妹感覺，總之就係青春咗喇！
呢張相同以前有咁強烈嘅對比，係因為本年報出咗好多張恒生○九年嘅一啲重要大事相片，梁太都有出席，佢以前嘅髮型係將前面嘅頭髮向兩邊撥，依家嘅新髮型唔知係咪有形象設計師教路呢？
余絲韻