五糧液年銷售10億
銀基主席梁國興好有信心咁話，今年永福醬酒賣到500噸絕冇問題，初步嘅售價係1,180元（人民幣‧下同）一支，一噸有2,000支，毛利最少有50%。
梁總話依家白酒供不應求，醬酒佔市場份額都係得1%，主要由茅台及朗酒出品，而五糧液呢隻酒一年銷售額10億元冇問題，佢哋年產能最多可達2.7萬噸，不過醬酒生產完後仲要擺番3、5年，所以唔係即時可以供市。
除咗揀酒叻之外，銀基執行董事柯進生對葡國菜原來都好熟悉，佢以前喺新鴻基金融做咗好耐，去年底就加入銀基，要追求新挑戰，佢哥哥喺灣仔就開咗間葡國餐廳，絲絲聽講合和（00054）胡應湘太座都係常客添。
余絲韻