中央在長假前突然加存款準備金率來送走牛牛，而且係一個月內第二次，反映中央收緊銀根嘅決心。雖然中港股市假期關係暫未知影響，但美股上個禮拜五就有理無理先低開逾1%，好彩尾市跌幅收窄番，反應都不至太曳，希望今日港股唔好太大反應啦。

轉眼間又到派發去年業績嘅時候，近期食咗瀉藥嘅內房股，其實去年業績超晒標，越秀地產（00123）過去一直都係保守嘅內房股，去年改名以正其身，不過近期都受到拖累，股價高位計唔見咗三成，中銀去年底曾估佢每股淨資產值有6.59元咁高，今次個價跌穿2元，就係最佳低吸機會，話唔定業績前炒番上去，暫以2.8元為目標，止蝕1.73元。

古晨