請三個秘書安排演講

佢就笑言有應付方法，叫絲絲唔使擔心，佢仲話：「每次講座之前或之後，啲『粉絲』都會傳短訊畀我，內容都係話好開心聽到有用嘅投資建議，希望下次再見面咁話。」胡老師每年喺亞洲及台灣地區有超過一千場嘅投資演講會，行程排得咁密，唔怪得要請三個秘書，負責幫佢安排演講及訪問行程喇。

絲絲最近就喺台北同佢碰面，佢百忙之中都要請絲絲去五星級酒店食自助餐，盡顯台灣男士溫柔體貼嘅一面。

胡老師又話，佢來港已超過三十次，仲大讚廣東菜好味又精緻，佢自己亦識得坐巴士四周圍去玩，不過就未去過廟街食大牌檔。好！下次等你重臨香江，絲絲就帶你去啦。

余絲韻