雖然日前人行突然調高存款準備金率，對一眾內銀及內房股帶來沽壓，但中央就特意豁免農村金融機構，可見在國策支持下，農業概念股始終值得睇高一線。當中，不妨留意近日股價急升的中化化肥（00297）。
中化肥近期動作頻頻，早前在內地發行了總值25億元人民幣的企業債券，而中化集團旗下兩隻A股鹽湖集團及青海鹽湖鉀肥又落實換股，一旦鹽湖鉀肥這批股份注入中化肥，其身價定必大升。況且，市場亦憧憬三月人大會議會再有利好化肥業的消息出籠，相信中化肥現價仍具上升空間。
近日高盛及美林均發表報告調高中化肥盈利預測。事實上，在過去五個交易日，當集團股價逐步攀升之時，大行的現身買盤亦都唔少，好似美林遠東、瑞信以及派杰證券的現身買盤次數，就由308次至377次不等。
（小尾）