港股上周五走勢反覆，盤中一度升逾百點，主要由中移（00941）所帶動。大市反覆，炒友亦唔好受，因為唔少熱炒股份隨大市上落，好易捉錯用神。詩詩算好彩，翻叮中國森林（00930）升6.5%，繼續持有，若今日升勢未能延續，會以2.7元為止賺位。
今年繼續係內需股同零售股天下，詩詩睇中達芙妮（00210），走勢穩步上揚，前日有證券報告調高其目標價至9.1元，現水平上車仲有水位。集團較早前以1.95億港元收購Full Pearl International Ltd 60%的股權，以擴大其在中國大陸的零售網絡。雖然呢單交易規模有限，但對達芙妮業績料有貢獻，相信今年相關收購將繼續。
即使受到金融海嘯影響，達芙妮○九年度中期仍賺2.61億元，遠勝市場原先預期。除了收入錄得12%增長，至27.74億元外，毛利率及經營溢利率於上半年惡劣的經濟環境下竟有改善，經營溢利率擴闊至14.7%，相信係營運效益有所提升所致。
詩詩