本文重點
前排為慶祝聖誕及新年，絲絲就與宏信環球投資（香港）大中華區基金分銷業務高級經理林長青（Eddy）去蘇豪區大歎意大利菜，Eddy連午餐都鍾意食意大利嘢，一定好識得享受生活，佢仲同我分享旅遊經歷。
原來Eddy真係好愛周遊列國，仲話自己邊度都鍾意去，而由於日本及泰國近香港，所以就去得特別多。Eddy話雖然返工成日都有機會出Trip，但都係短行居多，啱啱過嘅聖誕及新年都冇得放長假，今年點都要玩番夠本，於是Plan咗今年去歐洲兩星期，走訪地點當然唔少得最熱門嘅瑞士、英國及法國啦！
觀察外國人個樣
佢話喺旅程中除咗想感受一下當地文化之外，仲想睇吓當地人嘅樣！點解？皆因歐洲樓價跌得勁、失業率又高，佢話想睇吓當地人有冇因為經濟受金融海嘯衝擊，變到苦口苦面囉！
余絲韻