本文重點
新地（00016）有份參與嘅馬灣挪亞方舟唔經唔覺都開咗一段時間，絲絲都去玩過，佢哋經常搞唔同嘅主題，仲免費招待過好多弱勢社群，最近就搞咗個「五餅二魚」行動，希望可以將愛心及關懷帶畀社會上有需要嘅人，估計將有超過1萬人受惠。
為喪親幼童打氣
「五餅二魚」呢個活動已經正式起動，第一批受惠團體係「EQ愛心大使計劃」嘅喪親小朋友同埋佢哋嘅屋企人，為咗隆重其事，醫管局主席胡定旭與馬灣公園諮詢委員會成員李家祥、馬灣公司項目總監劉志遠都親自到場，為經歷父母因癌症而過世嘅小朋友打氣。
挪亞方舟今年初與社聯合辦「愛心之旅」，招待超過6,000人參與特備活動，亦會繼續免費招待有需要人士入場及參與活動。至於今次「五餅二魚」呢個活動，就係由5個營辦機構合力策劃，包括中華基督教青年會、聖雅各福群會等。
余絲韻