本文重點
做「賓卡」（Banker）一啲都唔易，遇上銀行有活動搞，放假都要出席。講緊嘅咪係星展香港行政總裁葉約德（Amy）囉，放緊假嘅佢仲話呢兩星期都唔會掂銀行嘢，股市、熱錢方向一律都唔知最新情況，一於偷吓懶喎！
新卡發布會熱鬧
Amy前晚先由美國返嚟香港，尋日就要主持佢哋全港首創嘅星展八達通提款卡發布會，Jet lag（時差）都未適應就要做嘢。呢個發布會仲搵咗好多員工出席，人才濟濟，而且仲搵埋藝人森美做代言人，夠晒Gimmick。
原來Amy依家仲放緊假，尋日係專登抽時間出嚟見記者又開會。咁落力嘅女大班，唔知佢今年同埋班員工有冇人工加呢？Amy笑笑口話，要將老闆個電話號碼畀絲絲，直接打去問吓佢。哈！絲絲又真係好想打去搵星展集團主席許文輝傾吓偈喎！
現場仲見到星展香港零售銀行業務董事總經理王潔鳳，見佢一頭鬈髮相當好睇，佢話係特登恤個靚髮至嚟呢個發布會喎。
余絲韻