大市升得急，總要整固吓，唔少股份炒上高位，但回吐壓力唔大，市場整體氣氛唔錯，只係啲價高咗，高追者變得審慎，相對一啲落後板塊，在資金追捧下，開始郁郁哋，相信係資金輪流炒嘅情況。現時揸股票要有耐心，如果手上持貨未郁，應要有耐心持貨，隨時在追落後下會炒起。
內地一月份鋼價開始向上調升，亞洲熱軋鋼價較去年十一月份升咗9%，相反鉬價期內只係升得2%。一般而言，鉬價升勢往往係落後於鋼價，因此未來鉬價上升機會好大。洛陽鉬業（03993）股價遠遠落後大市，過去橫行收集足足五個多月，近期借加鋼價消息炒上，睇勢隨時炒穿頂，如果升穿7.6元，有條件見9.5元。近期資源股當炒，有勢唔怕追，止蝕位可以放於回升中嘅10日線即是6.26元水平。
古晨