吉祥物做主題夠醒目

以上海為基地嘅交行一向多諗頭，今次當然會藉世博搞番啲噱頭嘢，所以交銀香港孖住銀聯，推出全港首張以上海世博為主題嘅禮物卡，卡面仲用咗世博吉祥物「海寶」，好鬼醒目。今次禮物卡仲採用可降解環保材料製成，全面體現世博會和諧社會生活同可持續發展嘅綠色世博理念。

同胞們一向都鍾意互相送禮氹大家歡喜，絲絲聽講近年佢哋仲好興送一啲大型商舖出嘅禮物卡，等你自己親身去店度揀禮物，咁就唔怕買咗啲唔啱心水嘅禮物嘥錢啦。今次揸住呢張禮物卡，仲可以唔使限定要喺邊度選購心水禮品，絲絲估好多人都會想要番一張。

余絲韻