本文重點
招商證券（香港）投資銀行董事總經理溫天納（Ronald）唔單止文采飛揚，佢除咗寫專欄、出書，原來對音樂都有深厚造詣，鋼琴仲考到八級，莫扎特就係佢最鍾意嘅音樂家。
睇好中型內銀股
Ronald有17年嘅投資銀行工作經驗，自然對投資有深入了解。不過，佢堅信嘅投資理念其實好簡單，就係揀咗隻優質股，就要輕輕鬆鬆咁長線持有，毋須成日睇住個價上落或成日買買賣賣，只需要每年檢討一、兩次就得。
咁乜嘢股份先係Ronald嘅心水股呢？佢就話較睇好業務發展潛力較大嘅中型內地銀行，以及與衣食住行等必需品相關嘅內需股，當然仲有佢不斷講嘅「新十大振興行業」相關股份，例如新能源、節能環保及生態農業類股等，但佢話詳情就要睇佢之前出嗰本新書喇。
余絲韻