明星代言創同業先河

冇錯，兩個都叫伍佰，除咗大家讀音相同，鵬華搵伍佰係睇中佢嘅形象及特質，與公司新基金嘅形象好貼切，共同點係「成長及突破」。鵬華搵娛樂圈人代言基金產品，開創咗內地同業嘅先河，公司仲計劃喺北京由伍佰為新產品宣傳。

鵬華解釋話，內地基金業愈趨蓬勃，投資基金嘅人數不斷上升，搵娛樂明星代言可以令基金貼近百姓，走向大眾化。

到底呢招掂唔掂仲未知，但起碼令人留下深刻印象。內地人愈嚟愈有錢，基金公司淨係話自己理財叻係唔夠，所以要度橋涉足其他界別，提升品牌價值，唔突出自己又邊有人識？

余絲韻