敦沛證券助理副總裁李偉傑：上半年港股可能上試25,000點，但受貨幣寬鬆政策被收緊影響，下半年或走下坡。可考慮吸納中國南車。

衝二萬六

耀才證券市務總監郭思治：恒指今年可能引發新一輪升浪，有機會衝上26,000點，藍籌股如滙控、中移會成為升市火車頭。

內需股俏

霸菱資產管理（亞洲）基金銷售部主管李錫富：只要國際維持貨幣寬鬆政策，市場資金仍會充裕，對今年港股審慎樂觀，特別看好內需股。

睇淡大市

晨星（亞洲）高級研究分析員甘欣庭：看淡港股今年的走勢，預料投資風險會頗高，因為本港的股市及樓市已經出現泡沫。

升浪未完

散戶羅先生：我喺萬八點左右先入市，總計賺大約20%度。我買嘅都係內銀、內需同資源類股份，主要係短線炒吓波幅。我諗二○一○年個市都會升，但可能無○九年升得咁急啩！

內銀向好

散戶陳先生：○九年總括都係賺嘅，主要買銀行股，中資嘅有，滙豐嗰啲都有。中央可能會有措施調控內銀，但我諗呢啲都係暫時嘅啫，長遠內銀股都係向好嘅！

料上落市

散戶馬小姐：○九年整體都有賺10%至20%，都係喺新股及新能源股上獲利，預計二○一○年仍是上落市，會「睇住嚟玩」。

走勢難捉

散戶史小姐：○九年收穫都唔錯，賺到差唔多50%度啦，自己買嘅都係H股！(點睇後市？)呢一刻真係未知喎！