放完長假番嚟，各位散戶又要收拾心情入市搵銀，但基金大戶由於過去大半年收穫甚豐，相信唔會急住開工，點都會放埋呢個長假期，所以呢幾日難免都係靜局。不過，淡靜好造市，早前港股「自殘」咗咁多，美股創出高位，不排除留守嘅大戶會借勢向上炒番轉。事實上，假前唔少股份都開始炒番高，睇怕今日都要打醒精神
實啲。
實啲。
今次雖然指數跌幅唔多，但唔少股仔其實都跌得幾傷，好似隻長盈（00689）咁，由近期高位0.27元插水式跌至0.159元，足足唔見咗0.11元，似乎過分咗。事實上，14天RSI亦顯示此股超賣，假期前見佢低位有反彈，股價回升至250日線，兼且沽盤相當有限，相信現水位支持力甚強，不妨以0.25元作為反彈目標，止蝕位可以放於0.17元這個近期低位。
古晨