長假期前大市無氣氛，炒友望多過炒，個個諗住放假點玩，完全沒有入市意欲。大市狂插咗個幾禮拜，尋日尾市終有反彈，不過啲炒股彈兩彈都無咩人跟進，唔知係唔係早前炒傷咗，始終都係唔多炒得起。
科技主宰世界，以iPhone為例，直頭係風靡全球，中國市場亦不例外，智能電話開始攻佔都市人，以發展CDMA智能手機為主業嘅中國無線（02369），隨着○八年中完成重組後，集團焦點開始放落智能手機市場身上，近期更推出多款CDMA、CDMA-GSM雙模智能手機，十分熱賣。隨着內地3G網絡慢慢完善化，智能手機前景的確不能小覷。
事實上，中國無線除了中期成功轉虧為盈外，早前更發出全年盈喜，睇番股價橫行咗三個月，十足準備迎接業績而炒上，不妨細細注跟進，明年或有唔錯驚喜。
古晨