本文重點
仲有唔夠十日就踏入二○一○年，相信好多打工仔嘅新年願望，都係來年有人工加，ＶＩＳＡ最近有個調查嘅發現都同絲絲諗嘅嘢不謀而合，反而內地人最關心嘅財務範疇，竟然係支付卡欺騙！
內地人最驚假支付卡
ＶＩＳＡ最近做咗個研究，搵咗亞洲區五千幾人調查佢哋最關心嘅財務範疇，結果香港人最關心嘅三件事，依次序排列分別係薪金調整、就業保障及日常生活開支。港人不嬲都好注重自己嘅飯碗，有無人工加、份工有乜福利，當然係必然關心之選。
不過睇番內地，最多人擔心嘅竟然係支付卡欺騙！內地人口龐大，有多一、兩個冒牌天才絕唔出奇，佢哋巧奪天工嘅手藝，真係好難分真假，睇嚟ＶＩＳＡ都要入內地做多啲宣傳，講多啲信用卡可以幾咁有信用先得！
余絲韻