23/12/2009

播放本新聞相關短片
查詢股票編號

鑊鏟快線:富士康具升值潛力

上證指數愈跌愈危,3,000點關口隨時失守,而長假期前嘅港股就跟隨外圍反彈。全球股市彈足九個月,唔少基金有晒交代,基金經理提早放假,呢兩日嗰市靜番晒,即使尋日見有反彈,但市場連一啲興奮嘅情緒都冇,唔通真係要提早收爐?

近期科技股炒上,隨着歐美市場復甦,加上內地咁大嘅電訊市場,尤其是iPhone的魅力無處不在,穩佔手機生產市場達到28%嘅富士康(02038),成為了近期最熱炒的落後股。其實市場並非亂炒,由於iPhone供不應求,幾家大行估計今年公司盈利可能增長達到5倍之上,而明年亦有近七成增長,如果以咁嘅增長速度計,一一年預測市盈率降到只有7倍,難怪近期股價每次跌至20日線就有反彈。大價股無嘢炒,資金發掘潛質股,富士康有一定值博率,暫時以10元作目標,止蝕可定7元。

古晨