本文重點
「輪場」人事變動多，連絲絲自己都唔記得係第幾次向大家報道最新動向。最新一單係關於荷合前股票衍生部助理董事梁麗珊（Lisa），佢尋日正式加盟荷銀出任股票衍生工具及私人投資產品董事，接替上月離任嘅何啟聰（Ivan）之原有職位，不過，Ivan嘅去向就依然係個謎。
荷合研推新投資產品
雖然Lisa走咗，但荷合仍然有股票衍生部副董事黃集恩（Martin）坐鎮，佢叫絲絲大可放心，話公司絕對唔係縮減人手，其他同事亦都好快適應。
Martin話依家「輪場」競爭大，做發行商唔可以再一成不變，所以偷咗美國總統奧巴馬嘅競選口號「Change」呢條橋，除咗計劃明年發行更多唔同相關資產嘅窩輪外，仲會有個新搞作，研究推出一個新投資產品，叫絲絲拭目以待。
余絲韻