代理撐地監局捉違規

一年一度嘅MIPIM Asia係表揚亞太區出色房地產項目，今年大獎就收到來自15個國家合共104個項目參加比賽。新地代理執行董事及Orchard Turn發展董事黃振華話，今次獲獎印證咗公司成功將創建商場的豐富經驗引入新加坡的零售市場。而商場早前喺「亞洲購物中心大獎」中，已經得到「企業對企業市場推廣」類別冠軍。

地產代理監管局一向注重同業界溝通，Vincent知道昨日地監局總裁余呂杏茜就同香港專業地產顧問商會會員共聚，仲討論吓業界嘅專業情況，而余太即場提出咗三大要點，當中包括中港地產代理資格互認嘅進展、一手樓花銷售違規行為，同埋為地產代理提升專業水平的進修方向等。

香港專業地產顧問商會汪敦敬表示，對於上述三大要點，商會都好支持，並且同時提出，支持地監局喺足夠溝通下嚴明執法，打擊違規行為，地產代理地位能夠提高，並希望地監局同地產代理能夠保持充分的溝通。

（Vincent Lau）