美國近期公布經濟數據均優於預期，反映經濟有穩步復甦迹象，但亦同時引發市場對退市的憂慮，港股連跌多日後，上周五終見反彈，但高位遇壓，令升幅顯著收窄。市場消息多多，不利傳聞亦困擾大市，好彩係資金仍見充裕，個別股份炒作不停。
市場仍以發掘落後股為主，復星（00656）計落今年係豐收年，早前國藥（01099）上市，加上出售寧波鋼鐵予寶鋼，保守估計可進帳15億元人民幣，海南礦業亦傳會上市，相關特殊盈利應對業績有一定刺激。
復星過往業務廣泛，並有上海和黃稱號，可見其市場地位，現時迪士尼空降上海，加上世博舉行在即，未來兩年上海概念股不愁寂寞，復星自然得益唔少，過去半年股價都唔算點升過，現價追入風險不高，一於博佢升上7.5元，止蝕定5元。
古晨