本文重點
龍湖地產（00960）掛牌後，股價連升兩日，股東笑呵呵，除咗我哋熟悉嘅大股東吳亞軍以及5名基礎投資者之外，一班與吳主席一齊拚搏嘅員工，原來好多都因為龍湖上市而進身百萬富翁行列。
呢班員工係透過激勵計劃攞到股份，550名員工合共持約1億股，以尋日龍湖收市價8.11元計，總值超過8億元。一夜之間，部分員工成為百萬富翁及千萬富翁。
未沽得更加要搏命
有位龍湖員工講，以前從來唔睇股票，但龍湖上市當日，偷偷哋睇股價走勢，點知恒指下跌，內心有啲唔好嘅感覺，好彩龍湖不負眾望，帶挈股東賺錢，呢位員工話佢內心真係激動不已。
一夜之間成為百萬、千萬富翁，員工應該高興，不過佢哋嘅股票係唔可以即刻沽，正所謂股票價格可升可跌，對員工情緒來講真係考驗。有員工話，掛牌第一天已徹底感受到自己當老闆嘅百般滋味，亦覺得工作更該努力。
余絲韻