本文重點
龍湖地產（00960）尋日掛牌表現理想，董事長吳亞軍進帳唔少。據招股書顯示，佢本人持有龍湖46.87%股份，夫婿蔡奎就持有31.25%，若悉數行使超額配股權，兩夫婦共佔集團約76%股份，即約37億股。
胡潤女富豪榜躍居次席
按尋日龍湖收市價8.01元計，吳亞軍夫婦身家漲至約303億元，超越持有碧桂園（02007）嘅主席楊惠妍家族，進身胡潤女富豪榜次席，不過仲未動搖到持有玖龍紙業（02689）、坐擁約419億身家嘅張茵家族之榜首地位。
喺尋日上市儀式上，吳總饋贈咗一幅好有氣勢嘅群龍聚首圖畀港交所，咁多條龍聚埋一齊，將「龍湖」個名形象化，幾有心思，咁大份嘅紀念品確係較少見。至於同日掛牌嘅通天酒業（00389），佢哋送畀港交所嘅紀念品就的骰得多，係一個袖珍水晶酒桶擺設，上面印咗通天嘅Logo，都幾矜貴。
余絲韻