樓東俊安（00988）個名咁得意，點解公司當時要改呢個名呢？主席蔡穗新就話，原來呢個名係同方位有關嘅！
樓東即係古樓東面
樓東俊安主要喺山西做煤炭加工、焦炭相關業務，蔡生話樓東係公司所在嘅地方，當地有一座古樓，由於古樓存在已久，當地人都用古樓辨識方向，而喺古樓東面嘅地區，就被稱為樓東；至於俊安，就係間廠原本嘅名。
樓東俊安前身係新銀集團，其後注入煤炭項目再易名為樓東俊安。樓東俊安為咗擴展上游業務，打算收購山西臨縣泰業煤礦49%股權，臨縣泰業持有一個焦煤礦，佢嘅煤礦儲備總量估計唔會少於8,000萬公噸，而核准產量為每年120萬公噸。
余絲韻