慈善晚宴星光熠熠

據知當晚有超過400位嘉賓共襄善舉，晚宴上更設有拍賣環節，除咗滙豐私人銀行亞洲行政總裁王以智以主人家身份盛裝赴會外，會場內更見唔少城中知名人士，例如武打明星李連杰及香港鐘錶業總會永遠名譽會長孫秉樞等。滙豐話籌得嘅善款主要撥捐大自然保護協會喺內地及珊瑚三角有關保護大自然嘅項目，另外有部分善款會撥捐「李連杰壹基金」。

滙豐私人銀行自○三年開始，每年都會為一間慈善機構舉行晚宴籌募經費，作為企業社會責任嘅重要一環。過去6年來，受惠機構包括香港進食失調康復會、博思會及護苗基金。

余絲韻