近排其中一個熱爆話題當然係豪宅潮，搞到啲地產商個個都曝光率好高，雖然郭氏兄弟近期少咗出嚟講地產，不過新地（00016）並唔係要玩低調，最近佢哋第六度獲選為亞洲最佳地產公司及香港最佳管理公司，恭喜恭喜！呢個選舉由亞洲財經雜誌《FinanceAsia》主辦，邀請逾200個亞洲國家及地區嘅投資者和分析員，根據區內企業嘅表現進行評選。
花旗關注氣候獲表揚
做得好自然多人讚，花旗集團亦獲全球財經雜誌《銀行家雜誌》選為「氣候轉變措施最具創意銀行」。原來花旗○七年已開始透過投資、融資及相關活動，支持世界各地非傳統能源及潔淨科技嘅應用和持續發展，應對全球氣候變化。
余絲韻
