專業學會頒授至高榮譽

過去能獲得呢個殊榮嘅人，全部都喺行業非常有江湖地位，包括有「股壇教父」之稱嘅港交所前主席李業廣、著名銀行家利國偉、證監會前主席梁定邦及公司註冊處前處長鍾悟思等。呢個榮譽有啲似大家平時喺頒獎禮上睇到嘅「終身成就獎」，冇番咁上下分量都好難攞到。

證券專業學會主席邵蓓蘭就讚揚周文耀係推動本港金融業發展其中一位重要人物，並致力於港交所發展，成就備受認同。絲絲相信隨着周文耀退休，向佢頒發榮譽將陸續有來。除咗周文耀外，證券專業學會亦有5名會員「升呢」，進身為資深會員，包括恒生銀行馮孝忠、霸菱資產管理黃祖耀、浸大榮休教授林建、新富證券陳銘潤、同友邦華泰基金管理陳國傑。該學會共有2萬個會員，只有39人係榮譽或資深會員，都算「矜貴」。

余絲韻