上周古晨已經覺得大市升勢開始擴散至二、三線股，果然本周唔少股份都有唔錯升幅，表現突出。內地新增貸款回升，令「閂水喉」擔憂減少，場邊資金無嘢炒咁耐，仲唔急急腳入市咩，希望市場能保持現時氣氛至十二月，咁一眾鑊鏟友咪有機會過一個愉快聖誕節囉。
近日熱炒嘅航天萬源（01185），市場曾傳過母公司或有注資，雖然注資一事尚未成事，不過尋日再傳好消息，市傳集團有望承包華電風電場定單，刺激買盤入市追貨。甘肅省酒泉政府規劃區域內風電資源開發權給予華電集團，由於航天集團於酒泉有一定江湖地位，航天萬源取得生產合約不足為奇，相信未來母公司陸陸續續會有更多優惠注入，不妨買少少靜待再爆上1元，止蝕位可考慮放於0.74元。
古晨