本文重點
大學生喺書本上學咗好多投資知識，但係又冇咁多錢投資吸收經驗，點算好呢？摩根資產管理就同大學合作，搞咗個「大學生模擬基金經理大賽2009」，參賽者可以先上3堂由「摩根投資學院」提供嘅課程，然後喺兩個月內投資摩根基金，將學到嘅知識實踐，依家已經有380個學生報名參加咗「個人挑戰賽」啦。
模擬投資旗下基金
今次比賽入面，每名參賽者需要將100萬美元配置喺一系列摩根基金入面，然後通過計算參賽者所選擇嘅摩根基金喺十月三十一日至十二月三十一日所錄得嘅真正表現決勝負。除咗個人身份參賽，同學亦會組團參加，4至5個人一組，幫客戶度身訂造一個投資組合。
摩根資產管理定息投資總監張冠邦有乜嘢貼士畀學生呢？佢判斷後市時就話，美國依家失業率高，又未有通脹壓力，所以暫時唔會加息，預期10年美債息口會係3.25厘至4厘之間？本港方面，資金已由現金流回股票及債券，預期息口暫時唔會上升。
余絲韻