盈豐今年喺香港嘅業務踏入十周年，當初盈豐想發展亞洲市場，佢哋喺香港就由零開始，三大開國功臣分別係亞太區執行主席趙宗彥、亞太區行政總裁趙善銓及負責人力資源和行政嘅蕭蔓虹。趙宗彥回想當年，3個人逼喺100呎嘅房入面工作，仲要同人分間辦公室，都好感慨。依家盈豐已搬咗入環球貿易廣場一年，本港員工逾200人，亞洲區內仲有10間分行及辦事處。

聘資深「賓卡」唔「捽數」

趙宗彥話公司新中文名由員工提議，再進行投票。有一排無做球證嘅趙善銓話，上海個辦事處暫時會做研究工作，睇吓盈豐嘅模式係咪適合內地發展再決定，佢哋員工無銷售目標，所以只會請一啲資深「賓卡」，佢哋會知幾時要做乜，唔會係咁「捽」個客掛住交數。

余絲韻