本文重點
英皇證券荃灣分行經理高初定︰「其實個市一路反覆向下，只係太多人堅信唔會跌好多，嚟緊『十‧一』內地休市5個交易日，大戶到時派貨出街，震一震個市，港股就會倒跌，所以呢期大價股冇得玩，轉去留意細價股。」
「我建議吼住隻高銀金融（00530），上周宣布2供5，大股東包銷，股價未有大挫，貨源『歸邊』，有人喺低位掃貨；加上供股集資額高達25億元，數目龐大，公司業務又轉型，應該會係一隻實力股，所以短線都值得小注博一博。」
撈工行 6.2元即走
散戶張太︰「新股陸續上市，新股龍頭之一嘅國藥（01099）應該會撐住呢輪新股潮，如果國藥跌，其他新股就冇人抽啦！國藥上市後跌唔落去，睇佢好快升穿20蚊，衝上21蚊。」
散戶「靚太」︰「我鍾意買行業龍頭股，上周內銀股偏軟，趁低入咗隻工行（01398），短線6.2元就會走人。如果有日個市再跌多幾百點，其餘『五行』都會考慮，再伺機買番啲貨。」
莉莉