未知係唔係大戶等緊九月份期指結算，近排大市真係無乜方向，個個諗住新股有得炒吓，點知仲死多兩錢重，好彩上個禮拜五啲股仔開始有番啲起色，尤其是下午，好多股仔都突然有異動，不過大家入市都謹記要眼明手快，話晒市場氣氛都未係好確定，炒味隨時來得快時去亦快。
銘源（00233）今年初以2.8億元收購港龍生物技術95%股權，喺第二屆HPV DNA檢測能力驗證研究結果中，只有三種藥品達到100%符合率，而其中一種正正係銘源旗下嘅港龍生物所研發出來，HPV是子宮頸癌的主要成因，而HPV測試已成為子宮頸癌檢測的主要工具。內地女性市場咁大，銘源前景自然靚仔，上周五市況好番，即時有料到，今轉睇怕唔見1.2元都唔收貨，止蝕就定0.75元啦。
古晨