Quincy喺理財業界最叻嘅應該係揀回報高而風險低嘅投資產品嘞！提到最差嘅投資產品係乜，佢竟然話係養小朋友，仲話當中風險高達99.5%！原來佢嫌依家啲細路仔唔識叫人，就連自己個姪仔都唔肯叫佢一聲「大伯」，想佢幫手都只係肯講句「Please」！唔知係咪咁，佢結咗婚幾年，暫時都未有仔女。

見冇人排隊即卜期註冊

今年係好年，港人都鍾意喺好日子拉埋天窗，Quincy就話好想知究竟喺好日結婚嘅離婚率係咪真係低啲？原來佢結婚嗰時好隨意，完全無理係乜嘢日子！話說幾年前，佢嘅Office喺力寶中心，每日喺太古廣場行過去嘅途中，都見到婚姻註冊處企滿人排隊Book期。有次周末佢行到註冊處嗰時見無乜人，就打咗個電話畀依家嘅老婆，佢老婆即時提議Book期結婚，兩個人就係咁諗住喺3個月之後註冊！不過佢哋後來發現有屋企人喺嗰日出差，就推遲咗婚期一個星期，但一樣冇理係咪好日子。

余絲韻