本文重點
正所謂「執輸行頭慘過敗家」，Citibank環球個人銀行服務信用卡業務總監郭偉略雖然係外國人，但都深明呢個中國人道理，因為佢曾經喺內地做嘢，跟中國同胞練到一身好「功夫」，一定唔會執輸！
究竟係乜嘢「功夫」咁巴閉？原來郭偉略喺內地經常跟同胞爭過關、爭上飛機，好彩佢身形有番咁上下，加上跟同胞學埋啲鬆㬹技巧，要爭頭位可謂話咁易！
「鬆(月爭)」為要排頭位
話說PSP出新系列PSPgo，仲率先喺香港搞全球首個官方首賣日，花旗信用卡其中100個客戶仲可分配到限量版名額。一向都鍾意打機嘅郭偉略話，今次可出動呢個鬆㬹技術，包保自己可以係嗰100個客戶之中排第一！
講番花旗信用卡，七月份簽帳額按月有單位數升幅，佢哋喺下月開始宣傳稅貸，去年好多人延遲交稅，郭偉略話今年整體要交嘅稅項一定多咗，就算借稅貸嘅百分比一樣，借嘅錢都會多啲，所以佢哋已積極籌備。去年花旗稅貸最高貸款額係信用卡簽帳餘額嘅九成，唔知今年會唔會加大呢？
余絲韻