本文重點
「輪場」人事變動特別多，傳咗好耐嘅陳其志（Keith）已正式加盟滙豐，點知貴人出門招風雨，今個星期一開始返工就撞正掛八號波。
Keith嘅新職位係環球資本市場財富管理銷售業務上市產品銷售主管，繼續管理同銷售窩輪及牛熊證業務。佢返咗幾日工，但已經Feel到滙豐同以前間公司好唔同，唔單只架構大，涉及部門仲好多，頭幾日返工除咗要熟悉新工作環境及開會外，最主要就係要識晒唔同部門嘅同事。
跳槽滙豐先「過冷河」
其實自黃紹良（Frank）今年五月由滙豐轉投巴克萊後，佢喺滙豐個位一直懸空；Keith由麥格理跳槽到滙豐嘅消息亦傳咗幾個月，不過要等Keith「過冷河」3個月先可公布。
本港窩輪牛熊證市場競爭激烈，滙豐亦喺五月首推股份牛熊證，藉此提高市佔率，新紮職嘅Keith同絲絲講，話希望滙豐日後能躋身為本港主要嘅輪證發行商。
余絲韻