有口痕友話，好彩上述業主當年無將買舖嘅錢存入銀行收息，如果唔係，依家都唔知儲唔儲到100萬元。

產業署山頂屋再劈租

據悉，上述荃興徑3至5號F舖，原業主早年以16.6萬元買入自用，之後出租予小菜館，由於附近食肆林立，最近有約10多個商戶打緊上址主意並出價洽租，惟業主最終決定出貨獲利離場。

產業署不時有「筍盤」出租，Vincent八到，位於山頂道76號嘅東蘆G號屋啱啱再減租，洋房實用面積3,637方呎，在舊年十月已攞出來放租，但一直未租出，產業署惟有減租避免單位空置，最新月租13.8萬元，比今年三月減租近18%，未計管理費同差餉，呎租只係38元，在富豪雲集嘅山頂區來講算係抵租。

講番呢間屋嘅租金，原來喺舊年十月嘅叫租係18.62萬元，其後因應市況差，曾先後多次減租，連埋今次減租共三次，累積減幅近兩成六。

（Vincent Lau）