本文重點
環球銀行金融電訊協會每年都會搞國際銀行營運研討會（SIBOS），係銀行界盛事，對上一次喺香港舉行係一九九一年嘅事，相隔十八年，尋日係○九年度首日活動，作為東道主嘅金管局總裁任志剛，致歡迎詞時先數吓呢十八年有乜嘢大事。
第一件事就梗係金管局嘅成立啦，上次SIBOS喺香港舉行，金管局都未出世，今次再喺香港舉行，任總就已做到頭髮都白埋，仲退休在即。
港十八年間有驚無險
其實呢十八年香港真係經歷咗好多考驗，先有香港回歸後適逢亞洲金融風暴、樓市泡沫爆破，再有今次嘅金融海嘯。
由樓市引發的金融危機，香港都可以話有經驗，慶幸有驚無險，任總特別重複咁話，樓市泡沫無可避免爆破，但「並無」導致金融體系崩潰，喺嗰一剎那，絲絲感受到任總為香港金融穩定感到十分自豪。美國樓市出事，搞到有次按風暴同世界大亂嘅美國銀行家，聽完應該反思吓。
余絲韻