港股經過上禮拜大挾淡倉後，尋日終於略見回吐，雖然失守21,000點，但市場氣氛良好，熱錢炒完大價股炒，又開始轉戰啲股仔。
其實港股今轉嘅反彈，啲股仔真係無點炒過，指數上番高位，相對啲股仔又變得幾吸引，鑊鏟友格言：「有勢唔怕追」，只要有錢在炒，何懼高追。
過去兩個多月，有唔少股仔狂炒過，相對啲澳門股就無乜郁過。黃金集團（01031）本身股價落後，翻查資料，原來集團手持現金高達6億元，在「現金是王」嘅今日，自然會憧憬佢隨時有收購行動，股價亦因此而水漲船高，近期更似要破頂，喺熱錢追落後下，單單炒番上0.5元都夠晒和味，近期0.3元守得咁穩，一於作止蝕位。
古晨