求救過程繪影繪聲

其中一幕係咁樣嘅：飾演雷曼前行政總裁富爾德嘅演員，與一位專搞破產個案嘅律師商討一旦清盤時嘅安排，飾演律師嘅演員大聲回應話「美國政府唔會畀你哋倒下，雷曼倒下就如美國政府破產」，還繪聲繪影指這好比羅馬將梵蒂岡賣畀日本做酒店，同時叫教宗做門僮。然而短短數日後，呢位律師就睇住雷曼員工手捧紙皮箱及私人物件，列隊離開雷曼嘅辦公大樓。

另一片段，包括富爾德、紐約聯邦銀行行長蓋特納（即現任美國財長）及華爾街大行負責人，齊集聯儲局辦公室內，蓋特納向華爾街大行說項，要求佢哋幫手拯救雷曼。當時美國財長保爾森都在場，但佢表明唔會拯救雷曼，仲聲言無公家錢幫雷曼。

戲內嘅富爾德雖然走訪美國銀行，又向英國柏克萊尋求幫助，但最終都係無功而還，當佢再次致電保爾森求助時，對方卻冷言話其實筆錢早喺枱面上，但閣下從來都覺得唔夠。

余絲韻