跟王冬勝半日 貼身體驗

呢位梁子俊同學上月跟Peter工作半日，化身做Peter嘅工作影子，貼身體驗滙豐高層嘅實際工作情況。青年人係未來社會嘅棟樑，Peter都好重視同呢位同學嘅交流，除咗解釋日常工作以及滙豐中國業務外，仲分享埋工作上嘅樂趣及挑戰。作為大班，每日工作當然繁複，Peter當日仲有個記者會及電話會議，梁同學都有聽埋一份，唔知佢會唔會聽到啲機密嘢呢？

其實做得「影子大班」嘅梁同學都好厲害，因為佢係參加咗「學生營商體驗計劃」，過五關斬六將贏得「全年最佳行政總裁」，先可以親自跟Peter學嘢！

Peter仲同梁同學分享佢作為高層嘅心得，就係要對其他人嘅意見細心分析，經常對時事作出獨立思考同判斷，以免隨波逐流，人云亦云。唉，依家啲年輕人好多都被批評無獨立思考，計絲絲話，Peter應該出多啲嚟同年輕人交流，分享多啲人生處事經驗，咁對於呢班港青都係一件好事！

余絲韻