上證終於見反彈，港股亦擺脫近幾日嘅弱勢，股仔經歷過去幾日的急殺後，尋日初見曙光，在第一視頻（00082）創新高下，一眾股仔即時發力向上，雖然氣勢上遠不及八月時旺場，但最少叫穩住跌勢，照睇內地閂水喉嘅憂慮開始減退。
股仔當中，古晨較鍾情隻深國（00152），今年內地股市大漲，深國持有嘅中國南玻股份亦漲番唔少，集團已表示會出售晒手上持有嘅1.08億股南玻，估計可套現逾10億元，今年盈利有權翻幾番，自然有利股價。深國另外亦持有深高速A股，過去半年嘅漲幅亦唔少，估計全年計每股資產淨值應提升唔少。深國本身有炒上嘅條件，基本因素亦唔錯，算係穩中可博之選，向上先睇0.8元，而止蝕位可考慮放喺0.53元。
古晨